لاہور: اورنج لائن ٹرین اور الیکٹرک بسوں کے بعد اب لاہور میں الیکٹرک ٹرام بھی چلانے کا منصوبہ شروع کر دیا گیا ہے۔ چین سے پہلی الیکٹرک ٹرام دارالحکومت پہنچ چکی ہے جسے ابتدائی طور پر کینال روڈ پر آپریٹ کیا جائے گا۔
رپورٹس کے مطابق میٹروبس، اورنج لائن ٹرین اور الیکٹرک بس کے بعد لاہور کی سڑکوں پر ٹرام بھی چلتی ہوئی نظر آئے گی۔ چین سے درآمد کردہ یہ ٹرام تین حصوں پر مشتمل ہے اور مکمل طور پر بجلی سے چلنے والی ہے۔
ٹرام کو صرف 10 منٹ چارج کرنے کے بعد یہ 25 سے 27 کلومیٹر تک سفر کر سکتی ہے اور اس میں 250 افراد کے بیٹھنے کی گنجائش موجود ہے۔
تین حصوں پر مشتمل اس ٹرام کی اسمبلنگ علی ٹاؤن ڈپو میں کی جا رہی ہے۔ اسے پہلے مرحلے میں پائلٹ پراجیکٹ کے طور پر چلایا جائے گا۔
