ملتان(قوم نیوز)وزیر اعلیٰ پنجاب نے مالی سال 2025-26 کے بجٹ میں خواتین کی فلاح و بہبود کے لیے متعدد اہم منصوبوں کی منظوری دی ہے، جن کا مقصد خواتین کو معاشی طور پر خود مختار بنانا اور ان کی زندگی کے معیار کو بہتر بنانا ہے۔دھی رانی پروگرام کے لیے 1.7 ارب روپے مختص کیے گئے ہیں، جس کا مقصد خواتین کو مالی معاونت فراہم کرنا اور ان کی معاشی حالت کو بہتر بنانا ہے۔سکھ دا و ہڑا پروگرام،حکومت آئندہ مالی سال میں 1 ارب روپے کی لاگت سے یہ پروگرام شروع کرنے جا رہی ہے، جس میں فیملی سپورٹ اینڈ میڈی ایشن کمپلیکسز کا قیام عمل میں لایا جائے گا۔گھر بیٹھے خواتین کے لیے ہنر و مہارت میں اضافہ کا پروگرام کی کل لاگت کا تخمینہ 1 ارب روپے ہے، جس کے تحت گھر بیٹھے خواتین کو ہنر اور مہارتوں سے آراستہ کر کے خود کفیل بنایا جائے گا۔ان اقدامات کا مقصد خواتین کو معاشی طور پر خود مختار بنانا اور ان کی زندگی کے معیار کو بہتر بنانا ہے۔
