اسلام آباد: الیکشن کمیشن نے رانا ثناء اللہ کو بطور سینیٹر منتخب ہونے کا نوٹیفکیشن جاری کر دیا ہے۔
الیکشن کمیشن کے مطابق وزیراعظم شہباز شریف کے مشیر برائے سیاسی امور رانا ثناء اللہ پنجاب سے جنرل سیٹ پر سینیٹر منتخب ہوئے ہیں۔
نوٹیفکیشن لاہور ہائی کورٹ میں زیر التوا مقدمے کے فیصلے کے مشروط طور پر جاری کیا گیا ہے۔
پنجاب اسمبلی میں پی ٹی آئی سینیٹر اعجاز چوہدری کی نااہلی کے بعد خالی ہونے والی نشست پر ضمنی الیکشن گزشتہ روز منعقد ہوا تھا۔
پی ٹی آئی نے ضمنی الیکشن کا بائیکاٹ کیا، لیکن نام واپس نہ لینے کی وجہ سے بیلٹ پیپر پر ن لیگ کے رانا ثناء اللہ اور پی ٹی آئی کی سلمہ اعجاز کے نام موجود تھے۔
