اسلام آباد: اسلام آباد کی ڈسٹرکٹ اینڈ سیشن عدالت نے آڈیو لیک کیس میں خیبرپختونخوا کے سابق وزیراعلیٰ علی امین گنڈا پور کے ناقابلِ ضمانت وارنٹ گرفتاری جاری کرتے ہوئے انہیں گرفتار کر کے عدالت میں پیش کرنے کا حکم دے دیا۔
تفصیلات کے مطابق ایڈیشنل ڈسٹرکٹ اینڈ سیشن جج نصر من اللہ بلوچ نے کیس کی سماعت کی، تاہم علی امین گنڈا پور کی جانب سے کوئی بھی نمائندہ عدالت میں پیش نہ ہوا۔
ملزم کی غیرحاضری کے باعث فردِ جرم عائد کرنے کی کارروائی مؤخر کر دی گئی۔ عدالت نے آج فردِ جرم کے لیے کیس مقرر کر رکھا تھا، تاہم عدم پیشی پر سماعت 5 دسمبر تک ملتوی کر دی گئی۔
واضح رہے کہ علی امین گنڈا پور کے خلاف تھانہ گولڑہ میں مقدمہ درج ہے۔
