بھارتی ٹیم کے چیئمپینز ٹرافی کے لئے پاکستان آنے کے امکانات روشن، پاکستان نے اہم پیشکش کردی

آئی سی سی چیمپنز ٹرافی اگلے سال فروری میں پاکستان میں شروع ہونے جارہی ہے۔ بھارتی ٹیم کی جانب سے پاکستان آنے کا تاحال فیصلہ نہیں کیا گیا۔ جسکی وجہ سے چیمپنز ٹرافی میں گو مگو کی صورتحال برقرار ہے۔

متعدد آپشنز زیرغور ہیں جبکہ اب پاکستان نے بھارتی ٹیم کے لئے نئی آفر دی ہے کہ پاکستان میں میچ کھیلنے کے بعد واپس انڈیا روانہ ہوجائے۔ اور پاکستان میں رات نہ گزارے۔

بھارتی ٹیم 10 اسے 12 گھنٹے بعد میچ کھیل کر پاکستان چھوڑ دے گی۔

پی سی بی بھارتی ٹیم کی شمولیت کے لئے اخری حد تک لچک کا مظاہرہ کررہا ہے۔ اور حالیہ پیشکش سے بھارتی ٹیم کو آسانی کے ساتھ پاکستان میں دو وینیوز پر میچ کھلائے  جاسکتے ہیں۔

اس حوالے سے کہا گیا ہے کہ بھارتی کرکٹ ٹیم قیام نئی دہلی، امرتسر یا موہالی میں رکھے اور میچ کھیلنےپاکستان آجائے اور میچ کھیل کر رات کو واپس بھارت چلی جائے، پاکستان چارٹرڈ فلائٹ کے انتظامات اور ملٹی پل ویزہ دینے کو تیار ہے۔

 اس حوالے سے زرائع کا کہنا ہے کہ پی سی بی اور بھارتی کرکٹ بورڈ کے درمیان متعدد بار رابطے ہوچکے ہیں۔ اور ایشین کرکٹ کونسل کی میٹنگ کے دوران بھی دونوں بورڈز کے اعلی حکام کی جانب سے بات چیت کی گئی ہے

بھارتی بورڈ نے پاکستان کرکٹ بورڈ سے اس حوالے سے جب رابطہ کیا تو پاکستان کرکٹ بورڈ نے انہیں مکمل معاونت اور تعاون کا یقین دلایا اب یہ معاملہ بھارتی بورڈ ،بھارتی حکومت کے سامنے رکھے گا

پاکستان نے کہا ہے کہ اگر یہ تجویز قابل عمل ہوتی ہے تو ہم چارٹرڈ فلائٹ کا بھی انتظام کرنے کو تیار ہیں۔

آئی سی سی کے بھارتی براڈ کاسٹر کی جانب سے ایک تجویز یہ آئی ہے کہ بھارت کا ایک میچ لاہور کے بجائے راولپنڈی میں کرایا جائے جس پر پاکستان نے حامی بھر لی ہے۔