اسلام آباد: وزیراعظم شہباز شریف نے سید حیدر شاہ کو اقوام متحدہ میں پاکستان کا نیا مستقل مندوب مقرر کرنے کا فیصلہ کیا ہے۔ وہ اس عہدے پر عاصم افتخار احمد کی جگہ ذمہ داریاں سنبھالیں گے، جو اب سیکرٹری خارجہ کے منصب پر فائز ہیں۔
سید حیدر شاہ اس وقت نیدرلینڈز میں پاکستان کے سفیر کی حیثیت سے خدمات انجام دے رہے ہیں۔ توقع کی جا رہی ہے کہ وہ جلد اقوام متحدہ میں پاکستان کے مستقل مندوب کا عہدہ سنبھال لیں گے۔
سید حیدر شاہ کو سفارت کاری اور بین الاقوامی امور کے شعبے میں وسیع تجربہ حاصل ہے۔ ان کی تقرری کے حوالے سے وزارت خارجہ کی جانب سے باضابطہ نوٹیفکیشن جاری کیے جانے کا انتظار ہے۔
