ایران جنگ کے اخراجات روزانہ ایک ارب ڈالر تک پہنچ گئے، امریکا کے ہتھیاروں کے ذخائر میں کمی

نیویارک ٹائمز کی رپورٹ میں انکشاف کیا گیا ہے کہ ایران کے ساتھ جاری کشیدگی اور جنگی صورتحال کے دوران امریکا نے اپنے انتہائی مہنگے اور اہم دفاعی ہتھیاروں کے بڑے ذخائر استعمال کر لیے ہیں، جس کے بعد اس کی مجموعی دفاعی تیاری پر سوالات اٹھنے لگے ہیں۔
رپورٹ کے مطابق ایران کے ساتھ جاری تنازع کے دوران طویل فاصلے تک مار کرنے والے میزائلوں سمیت جدید ہتھیاروں کی بڑی مقدار استعمال کی گئی، جس کے باعث امریکا کے ایشیا اور یورپ میں موجود دفاعی ذخائر بھی متاثر ہوئے ہیں۔
مزید بتایا گیا ہے کہ اس جنگ کی مجموعی لاگت 28 سے 35 ارب ڈالر تک پہنچ چکی ہے، جبکہ روزانہ کی بنیاد پر اخراجات تقریباً ایک ارب ڈالر کے قریب بتائے جا رہے ہیں۔
رپورٹ میں یہ بھی کہا گیا ہے کہ اس صورتحال نے امریکا کی دفاعی حکمت عملی اور مستقبل کی جنگی تیاریوں پر بھی اہم سوالات کھڑے کر دیے ہیں۔