کوٹ ادو کے علاقہ میں منعقدہ نویں تھل جیپ ریلی میں پری پئیرڈ کیٹیگری میں ریسرز آج چھانگا مانگا ٹیلہ سے ٹریک پر روانہ ہونگے۔ شدید دھند کے باعث پری پئیرڈ کیٹیگری کا ٹریک مختصر کردیا گیا۔ 105 کلومیٹر کے ٹریک کا فنش پوائنٹ چوبارہ کو مقرر کردیا گیا۔ چھانگا مانگا ٹیلہ سے 12 بجے گاڑیوں کی روانگی ہوگی۔ حدنگاہ محدود ہونے کی وجہ سے ریلی کا ٹائم اور ٹریک تبدیل کیا گیا ہے، میر نادر مگسی سب سے پہلے ٹریک پر روانہ ہونگے، دوسرے نمبر پر آصف فضل چوہدری روانہ ہونگے۔ صاحبزادہ سلطان چوتھے اور دفاعی چیمپئن تیمور خواجہ 5 ویں نمبر پر روانہ ہونگے، پری پئیرڈ کیٹیگری میں خواتین سمیت 30 ریسرز شریک ہونگے
