اسرائیل میں ہجرت کا رجحان شدت اختیار کر گیا ہے، جہاں 2025 میں تقریباً 69 ہزار سے زائد افراد نے ملک چھوڑ دیا۔ یہ مسلسل دوسرے سال ہے جب اسرائیل منفی ہجرت کے اثرات دیکھ رہا ہے۔
غیر ملکی میڈیا رپورٹس کے مطابق غزہ میں جاری جنگ، سیاسی کشیدگی، داخلی عدم استحکام اور بڑھتے ہوئے سکیورٹی خدشات شہریوں کے ملک چھوڑنے کی بڑی وجوہات ہیں۔
ٹائمز آف اسرائیل کی رپورٹ میں بتایا گیا کہ 2025 میں صرف 24 ہزار 600 نئے مہاجرین اسرائیل پہنچے، جو ملک چھوڑنے والوں کی تعداد کے مقابلے میں کافی کم ہے، جس سے ملک کی مجموعی آبادی میں کمی کا خدشہ بڑھ گیا ہے۔
