آرمینیا نے دبئی ایئر شو میں بھارتی لڑاکا طیارہ تیجس کے حادثے کے بعد ان طیاروں کی خریداری روک دی ہے۔
غیر ملکی ذرائع کے مطابق بھارت اور آرمینیا کے درمیان 1.2 بلین ڈالر مالیت کے 12 تیجس جنگی طیاروں کی فروخت پر بات چیت ہو رہی تھی۔ اگر یہ معاہدہ مکمل ہوتا تو یہ تیجس کی پہلی بڑی برآمدی ڈیل ہوتی۔
رپورٹس کے مطابق آرمینیا کی جانب سے خریداری مؤخر کرنے سے اسرائیل ایرو اسپیس انڈسٹریز کو بھی مالی نقصان اٹھانا پڑے گا، کیونکہ تیجس طیاروں میں استعمال ہونے والے اہم نظام اور ریڈار ٹیکنالوجی اسرائیل میں تیار کی جاتی ہے۔
یاد رہے کہ 21 نومبر کو دبئی ایئر شو کے دوران بھارتی جنگی طیارہ تیجس گر کر تباہ ہو گیا تھا، جس کے نتیجے میں پائلٹ بھی جاں بحق ہوا تھا۔ اس حادثے کے بعد آرمینیا نے حفاظتی خدشات کی بنا پر خریداری روکنے کا فیصلہ کیا ہے۔
