ملتان( عوامی رپورٹر) تلمبہ میں خواجہ سرا کے قتل کے واقعہ کےبعد شادی بیاہ کی تقریبات میں ناچ گانوں کی محافل پر ڈی پی او خانیوال اسماعیل کھاڑک کی طرف سے پابندی عائد کئے جانے کے حکم کی تھانہ تلمبہ میں تعینات ایس ایچ او کے دست راست نے کھلے عام دھجیاں اڑادیں۔ ڈانس پارٹی کراکر ویڈیو بھی جاری کر دی۔اس ویڈیو میں دیکھا جا سکتا ہے کہ گزشتہ رات ایس ایچ او تلمبہ کے کار خاص غلام حیدر نامی شخص ایس ایچ او تلمبہ کے ساتھ اپنے روابط کو استعمال کرکے کھلم کھلا مجرا پارٹی اور آتش بازی کروا رہا ہے۔ اپنے کزن کی شادی پر محلہ کوارٹر میں جو کہ تھانہ تلمبہ سے چند گز کے فاصلے پر واقع ہے۔ ایس ایچ او تلمبہ کو بروقت اطلاع دینے کے باوجود بھی گزشتہ رات کوئی کاروائی عمل میں نہ لائی جا سکی۔ یہ امر قابل ذکر ہے کہ ایس ایچ او تھانہ تلمبہ نے چارج لینے کے فوری بعد اسی ٹائوٹ کی دکان پر حاضری دی تھی جس کی ویڈیو بھی اسی ٹائوٹ نے جاری کی تھی۔
