ایرانی صدر مسعود پیزشکیان نے کہا ہے کہ دنیا میں استعمار اور استحصال کے لیے اب کوئی گنجائش باقی نہیں رہی۔ ان کے مطابق ایران ہمیشہ باہمی عزت اور مشترکہ مفادات کی بنیاد پر دیگر ممالک کے ساتھ خوشگوار تعلقات کا خواہاں رہا ہے۔
انہوں نے واضح کیا کہ ایران ہر قسم کی نوآبادیاتی سوچ اور استحصالی رویوں کو مکمل طور پر رد کرتا ہے اور عالمی تعلقات کو برابری، احترام اور انصاف کے اصولوں پر استوار کرنے کا حامی ہے۔
مسعود پیزشکیان نے مزید کہا کہ ایرانی معاشرے کی ثقافت میں برداشت اور رواداری کو بنیادی اہمیت حاصل ہے جبکہ ظلم و ناانصافی کے خلاف جدوجہد اس خطے کی تاریخ کا ایک روشن اور نمایاں باب رہی ہے۔
ان کا کہنا تھا کہ ایران مستقبل میں بھی ایسے ہی تعلقات چاہتا ہے جو دو طرفہ احترام اور مشترکہ مفادات پر مبنی ہوں اور جو عالمی امن و استحکام کو فروغ دیں۔
