ملتان(قوم ریسرچ سیل)اوگراکےمطابق پٹرولیم مصنوعات میں سمگلنگ اور سالونٹس کی ملاوٹ کا معاملہ چند ماہ قبل سامنے آیا تھا۔ جی او پی کی جانب سے ایک اعلیٰ سطحی کمیٹی تشکیل دی گئی تھی جس میں ایف بی آر، وزارت داخلہ، وزارت صنعت، وزارت پٹرولیم (محکمہ دھماکا خیز مواد) اور اوگرا کے نمائندے شامل تھے۔ قابل عمل سفارشات کا جائزہ لینے اور ان پر عمل درآمدکیلئے کمیٹی کی باقاعدگی سے بیک ٹو بیک میٹنگز کا انعقاد کیا جا رہا ہے۔ ان غیر قانونی سرگرمیوں کو روکنے میں اہم پیش رفت ہوئی ہےاور تعمیل کو یقینی بنانے کیلئے سخت نگرانی کا طریقہ کار موجود ہے۔ حکومت پاکستان اور اس کے محکمے اس طرح کی بددیانتی کے خلاف زیرو ٹالرنس کی پالیسی پر عمل پیرا ہیں۔ سمگلنگ مخالف یہ مشترکہ کوشش پٹرولیم سیکٹر کی سالمیت کو برقرار رکھنے اور صارفین کیلئے معیاری مصنوعات کی دستیابی کو یقینی بنانے کے عزم کو واضح کرتی ہے۔
