لاہور: وفاقی حکومت نے قومی ہاکی ٹیم کے کھلاڑیوں کے اعزاز میں خصوصی تقریب منعقد کرنے کا اعلان کیا ہے۔
ذرائع کے مطابق یہ تقریب نیشنز کپ میں بہترین کارکردگی دکھانے والے کھلاڑیوں کی حوصلہ افزائی کے لیے منعقد کی جا رہی ہے۔
وزیر داخلہ اور پی سی بی کے چیئرمین محسن نقوی کے اعلان کے مطابق ہر کھلاڑی کو 10 لاکھ روپے بطور انعام دیے جائیں گے۔
اس کے علاوہ بے روزگار قومی ہاکی کھلاڑیوں کو مختلف سرکاری محکموں میں ملازمتیں بھی فراہم کی جائیں گی۔
ذرائع کا کہنا ہے کہ وزیراعظم شہباز شریف کے بھی اس تقریب میں شرکت کا امکان ہے۔
واضح رہے کہ پاکستان ہاکی ٹیم نے حال ہی میں نیشنز کپ میں دوسری پوزیشن حاصل کی اور پہلی بار ایف آئی ایچ پرو ہاکی لیگ کے لیے کوالیفائی کیا ہے۔
