اسلام آباد: اسلام آباد میں امریکی سفارت خانے نے حالیہ “امریکا-پاکستان تجارتی معاہدے” کو دونوں ممالک کے درمیان شراکت داری کی جانب ایک بڑی پیش رفت قرار دیا ہے۔
سماجی رابطوں کی ویب سائٹ “ایکس” پر جاری بیان میں امریکی سفارت خانے نے کہا کہ سابق صدر ٹرمپ کی جانب سے اعلان کردہ یہ معاہدہ موجودہ امریکی حکومت کی اہم سفارتی کامیابی کی عکاسی کرتا ہے۔
بیان میں مزید کہا گیا کہ یہ معاہدہ اس امر کا ثبوت ہے کہ امریکا اور پاکستان دونوں اپنی شراکت داری کو ایسے مثبت راستے پر گامزن کرنا چاہتے ہیں جو دونوں اقوام کی خوشحالی کا باعث بنے۔
یاد رہے کہ وزیر خزانہ محمد اورنگزیب تجارتی محصولات (ٹیرف) سے متعلق مذاکرات کے لیے امریکا روانہ ہوئے تھے، جس کے بعد دو روز قبل امریکی صدر ڈونلڈ ٹرمپ نے باقاعدہ طور پر اس معاہدے کا اعلان کیا۔
