اسلام آباد: قومی اسمبلی اور سینیٹ کی خالی نشستوں پر امیدواروں کی حتمی فہرستیں جاری کر دی گئی ہیں۔
میڈیا رپورٹس کے مطابق قومی اسمبلی میں خواتین کی مخصوص دو نشستوں پر مسلم لیگ (ن) کے کوٹے سے خالی ہونے والی جگہوں پر ثمر بلور اور سعیدہ جمشید کو امیدوار نامزد کیا گیا ہے۔
دوسری جانب سینیٹ میں ثانیہ نشتر کے استعفیٰ کے بعد خالی ہونے والی نشست پر بھی امیدواروں کی فہرست سامنے آ گئی ہے، جہاں کسی بھی امیدوار نے اپنے کاغذات نامزدگی واپس نہیں لیے۔
سینیٹ کی اس واحد نشست کے لیے کل 9 امیدوار میدان میں آ گئے ہیں۔ تحریک انصاف نے مشعال یوسفزئی کو اپنا امیدوار نامزد کیا ہے، جبکہ مسلم لیگ (ن) کی جانب سے ثوبیہ شاہد نے کاغذات جمع کروائے ہیں۔ دیگر امیدواروں میں ساجدہ بیگم، مومنہ باسط، ثمیرا شمس، مہتاب ظفر، صائمہ خالد اور شازیہ شامل ہیں۔
