لاہور: گورنر پنجاب سردار سلیم حیدر خان نے حالیہ بارشوں سے ہونے والی تباہ کاریوں پر تشویش کا اظہار کرتے ہوئے کہا ہے کہ قدرتی آفات سے بچنا ممکن نہیں، لیکن انسانی لاپرواہی نے صورتحال کو مزید سنگین بنا دیا۔
انہوں نے کہا کہ کئی ہاؤسنگ سوسائٹیز نے برساتی پانی کے قدرتی راستے بند یا محدود کر دیے، جس کی وجہ سے پانی جمع ہونے سے شہری علاقوں میں شدید نقصان ہوا۔
گورنر کا کہنا تھا کہ تمام متعلقہ ادارے فوری طور پر ہاؤسنگ سوسائٹیز میں صفائی اور بحالی کا آپریشن شروع کریں تاکہ بند کیے گئے قدرتی نالوں اور راستوں کو بحال کیا جا سکے، بصورت دیگر مستقبل میں نقصانات میں اضافہ ہو سکتا ہے۔
