رجب بٹ نے پاکستان چھوڑ دیا، ویلاگنگ کو بھی خیرباد کہہ دیا

معروف یوٹیوبر رجب بٹ نے حالیہ تنازع اور قانونی کارروائی کے بعد پاکستان چھوڑ دیا ہے اور وی لاگنگ سے وقتی طور پر کنارہ کشی اختیار کر لی ہے۔
رجب بٹ پر الزام ہے کہ انہوں نے اپنے ویڈیوز میں مبینہ طور پر مذہبی شخصیات سے متعلق نازیبا کلمات استعمال کیے، جس پر لاہور ہائی کورٹ میں ان کے خلاف درخواست بھی دائر کی گئی ہے۔
رجب بٹ نے اپنی موجودہ موجودگی کا مقام واضح نہیں کیا، تاہم اپنے ایک حالیہ ٹک ٹاک لائیو سیشن کے دوران دبئی اور پاکستان کے وقت کا تذکرہ کرتے ہوئے انہوں نے بیرون ملک ہونے کا اشارہ دیا۔ انہوں نے کہا کہ اگرچہ وہ وی لاگنگ سے وقتی وقفہ لے رہے ہیں، لیکن ٹک ٹاک پر لائیو آتے رہیں گے۔

لائیو گفتگو کے دوران انہوں نے بتایا کہ وہ اب اپنی والدہ کی اجازت کے بغیر کوئی وی لاگ اپ لوڈ نہیں کریں گے۔ ان کے مطابق ان کی والدہ حالیہ صورتحال پر خاصی پریشان ہیں اور انہیں خود ایئرپورٹ تک چھوڑنے بھی آئیں۔
رجب بٹ کا کہنا تھا کہ انہوں نے وی لاگنگ مکمل طور پر نہیں چھوڑی بلکہ حالات بہتر ہونے پر دوبارہ سرگرم ہوں گے۔ انہوں نے مزید کہا کہ وہ کئی وضاحتی ویڈیوز بھی ریکارڈ کر چکے ہیں، جو مناسب وقت پر جاری کی جائیں گی۔