گرمی اور حبس میں اضافہ، لاہور میں بارش سے موسم بدلنے کی امید

لاہور میں مون سون کا اثر برقرار ہے اور آج شہر کے مختلف علاقوں میں کہیں ہلکی تو کہیں تیز بارش ہونے کا امکان ظاہر کیا گیا ہے۔ شدید گرمی اور خشک موسم کی وجہ سے حبس میں بھی واضح اضافہ ہو رہا ہے، جبکہ شہر کا درجہ حرارت 28 سے 32 ڈگری سینٹی گریڈ کے درمیان رہنے کی پیشگوئی ہے۔
بارش کے خدشے کے پیش نظر انتظامیہ نے پیشگی اقدامات شروع کر دیے ہیں۔ واسا، ایل ڈبلیو ایم سی، بلدیہ عظمیٰ اور محکمہ ہاؤسنگ کے تمام عملے کو الرٹ کر دیا گیا ہے تاکہ کسی بھی ممکنہ صورتحال سے نمٹا جا سکے۔
ایم ڈی واسا غفران احمد نے ہدایت دی ہے کہ تمام ایمرجنسی سینٹرز میں عملے کی حاضری یقینی بنائی جائے اور بارش کے دوران نکاسی آب کے عمل کو مؤثر بنانے کے لیے فیلڈ ٹیمیں مکمل طور پر متحرک رہیں۔