مودی حکومت کی تعلیمی پالیسیوں پر تنقید، بھارت میں ہزاروں سرکاری اسکول بند کرنے کا فیصلہ
مودی حکومت نے تعلیم کے شعبے میں ایسے اقدامات کیے ہیں جو غریب بچوں کے مستقبل کو متاثر کر رہے ہیں۔ بھارتی ریاست اتر پردیش میں بی جے پی حکومت نے پانچ ہزار سے زائد سرکاری اسکول بند کرنے کا فیصلہ کیا ہے۔ بھارتی میڈیا رپورٹس کے مطابق، حکومت نے آٹھویں جماعت تک کے سرکاری اسکول بند کرنے کی ہدایات دی ہیں، جس کا مقصد تعلیم کو بہتر بنانا بتایا گیا ہے، مگر ناقدین اسے غریب بچوں کے تعلیمی حقوق کی خلاف ورزی قرار دے رہے ہیں۔
تعلیم کے محافظوں اور اپوزیشن نے اس فیصلے کی شدید مذمت کی ہے اور کہا ہے کہ ہر بچے کو تعلیم کا حق حاصل ہے جسے چھینا نہیں جا سکتا۔ اپوزیشن نے بی جے پی پر الزام لگایا ہے کہ وہ بچوں کے مستقبل سے کھیل رہی ہے اور انہیں تعلیم سے محروم کر رہی ہے۔ مختلف سیاسی جماعتوں اور تعلیمی حلقوں نے حکومت سے مطالبہ کیا ہے کہ وہ یہ فیصلہ فوری واپس لے۔
