یہ ہفتہ آپ کی زندگی میں ایسے لمحات لے کر آ رہا ہے جو مصروفیت، خوشخبری اور اندرونی و بیرونی تبدیلیوں کا مجموعہ ہوں گے۔ سیاروں کی گردش کے مطابق 26 جون کو سیارہ مرکری آپ کے چوتھے زاویے میں داخل ہوگا، اور یہ ایک ایسی حرکت ہے جو زندگی کے مختلف پہلوؤں پر گہرا اثر ڈال سکتی ہے۔ مرکری کی یہ تبدیلی چار نمایاں اور مثبت اثرات کے دروازے کھول سکتی ہے۔
سب سے پہلا اثر مالی لحاظ سے سامنے آئے گا۔ ان دنوں میں آپ کو ایسا موقع میسر آ سکتا ہے جو آپ کو مالی آزادی کی جانب لے جائے۔ اگر آپ کسی سرمایہ کاری، کاروباری منصوبے یا جائیداد سے متعلق فیصلے پر غور کر رہے تھے، تو اب وہ وقت آ چکا ہے کہ آپ کی سوچ میں غیر معمولی وضاحت آئے گی۔ آپ کے فیصلے نہ صرف پختہ ہوں گے بلکہ ان کے نتائج بھی توقعات سے بڑھ کر ہوں گے۔ ماضی میں جس موقعے کو آپ نے غیر یقینی سمجھ کر چھوڑ دیا تھا، اب وہی موقع آپ کو نئی کامیابیوں کی طرف لے جا سکتا ہے۔
دوسرا اثر آپ کی گفتگو، ذہانت اور تعلقات کے میدان میں سامنے آئے گا۔ مرکری ایک ایسا سیارہ ہے جو گفت و شنید اور ذہنی چستی سے منسلک ہے، اس لیے اب آپ کی باتوں میں وزن اور کشش پیدا ہوگی۔ چاہے آپ کوئی معاہدہ طے کر رہے ہوں یا کسی سے زبانی وعدہ، آپ کی گفتگو اتنی مؤثر ہوگی کہ دوسروں کو آپ کے نقطہ نظر پر قائل کرنا آپ کے لیے آسان ہو جائے گا۔ آپ کے تعلقات میں بہتری آئے گی، اور لوگ آپ کے ساتھ وقت گزارنے کو ترجیح دیں گے۔
تیسرا اثر تعلیمی و تخلیقی سرگرمیوں میں بہتری کی صورت میں نظر آئے گا۔ جو لوگ تدریس، لکھنے، تحقیق، ڈیزائننگ یا موٹیویشنل اسپیکنگ جیسے شعبوں سے منسلک ہیں، ان کے لیے یہ ہفتہ کسی تحفے سے کم نہیں ہوگا۔ آپ نہ صرف نئی معلومات حاصل کریں گے بلکہ اپنے علم کو ایسے انداز میں دوسروں تک پہنچائیں گے کہ وہ آپ کی بصیرت کے قائل ہو جائیں گے۔ آپ کی سوچ میں وسعت آئے گی، اور آپ کو ایسے جوابات ملیں گے جن کی تلاش آپ کافی وقت سے کر رہے تھے۔ جو لوگ کسی کورس یا تربیت میں مصروف ہیں، ان کے لیے یہ وقت خصوصی اہمیت رکھتا ہے۔
چوتھا اور نہایت اہم اثر ذہنی سکون اور اندرونی توازن سے متعلق ہے۔ اگر آپ گزشتہ دنوں میں کسی ذہنی دباؤ، پریشانی یا فیصلے کی کشمکش میں مبتلا تھے، تو اب آپ کو واضح راستہ نظر آنے لگے گا۔ آپ کا ذہن صاف ہوگا، الجھنیں کم ہوں گی اور آپ کے دل میں ایک اطمینان پیدا ہوگا کہ آپ صحیح سمت میں بڑھ رہے ہیں۔ اس وقت آپ نہ صرف خود کو مضبوط محسوس کریں گے بلکہ اپنی قابلیت کو بھرپور طریقے سے بروئے کار لانے میں کامیاب بھی ہوں گے۔یہ ہفتہ آپ کے لیے ایک نئی توانائی، نئے فیصلے اور نیا عزم لے کر آیا ہے، بس ضرورت اس بات کی ہے کہ آپ اپنی قوتِ فیصلہ اور اندرونی بصیرت پر بھروسا رکھیں اور موقعوں کو ضائع نہ ہونے دیں۔
ان چار فوائد کے بعد آپ کا ہفتہ مصروف گزرنے والا ہے، لیکن یہ مصروفیت بامقصد ہوگی۔ آپ اپنے ذاتی مقاصد کے ساتھ دوسروں کی فلاح کے لیے بھی سرگرم عمل رہیں گے۔ اگر آپ اس وقت کو سمجھداری سے استعمال کریں تو آپ کی میٹنگز، سرمایہ کاری، تعلیمی مشغولیات، اور ذہنی دباؤ سے نجات جیسے تمام معاملات میں آسانی پیدا ہو جائے گی۔ آپ اپنی بری عادتوں پر قابو پا سکیں گے، کارکردگی کو بہتر بنا سکیں گے، اور اس کا فوری انعام بھی حاصل کر سکیں گے۔اگر آپ شہرت کے متمنی ہیں تو آپ کی تخلیقی صلاحیتیں آپ کو اس سمت میں فائدہ دیں گی۔ اگر آپ عزت اور شہرت کے لیے معاشرتی طور پر فعال ہونا چاہتے ہیں تو عوامی تعلقات آپ کو اس میں مدد فراہم کریں گے۔ پہلے جو کام آپ ادھورے چھوڑ دیتے تھے یا مکمل نہیں کر پاتے تھے، اب انہیں انجام تک پہنچانا ممکن ہو گا۔اسی طرح اگر پہلے آپ کسی خوشی کو محدود وقت تک محسوس کرتے تھے، تو اب ذہنی دباؤ کے خاتمے کے بعد آپ زیادہ گہرائی سے، زیادہ دیر تک ان لمحات کو محسوس کر سکیں گے۔ یہ سب کچھ اس لیے ہو رہا ہے کیونکہ چاند بھی اب ایک نئے سفر پر آ چکا ہے۔ 28 تاریخ کو جب چاند اپنی سالانہ گردش مکمل کرکے سرطان کے زاویے میں داخل ہو گا تو ایک نیا روحانی سال شروع ہو گا۔ اسلامی نقطہ نظر سے یہ محرم الحرام کا آغاز ہو گا، اور آپ کے لیے ایک نیا روحانی دروازہ کھلے گا۔یہ نیا چاند آپ کے تیسرے زاویے میں ہوگا، اور تیسرا زاویہ خاندان، تعلقات اور ذہنی رجحانات کا نمائندہ ہے۔ اس کا مطلب ہے کہ آپ خاندان کے قریب آئیں گے، خاندانی ذمہ داریاں ادا کریں گے، رشتوں میں ناراضگیاں ختم ہوں گی، اور روحانی یقین مزید مضبوط ہوگا۔ آپ میں نیکی و بدی، نفع و نقصان، اور اروج و زوال کی پہچان زیادہ واضح ہو جائے گی، اور ان بنیادوں پر آپ کے فیصلے بھی بہتر ہوں گے۔ان دو بڑی تبدیلیوں کے ساتھ ساتھ پچھلے ہفتوں سے کچھ سیارے مسلسل آپ کو سپورٹ دے رہے ہیں۔ جیسے کہ آپ کا حاکم سیارہ وینس اس وقت پہلے زاویے پر موجود ہے۔ یہ اس کا آخری ہفتہ ہے، اگلے ہفتے وہ دوسرے زاویے پر چلا جائے گا۔ مگر ابھی کے لیے وینس آپ کو محبت، جذبات اور رومانی خیالات سے بھر رہا ہے۔ تعلقات میں جو دوریاں یا ذہنی الجھنیں تھیں، وہ اب ختم ہونے لگیں گی، خاص طور پر جولائی کے پہلے دس دن ان خرابیوں کے خاتمے کے لیے سازگار ہوں گے۔سورج آپ کے تیسرے زاویے پر موجود ہے، جو کہ فیصلہ سازی، خود اعتمادی، بہادری، رسک لینے، اور اچانک حاصل ہونے والے فوائد کے لیے نہایت موافق وقت ہے۔ مریخ آپ کے پانچویں زاویے میں ہے جو کہ سفر، جائیداد، جسمانی طاقت، نقصانات سے بحالی اور کاروباری شراکت داری جیسے معاملات میں مددگار ہے۔ مشتری بھی تیسرے زاویے میں ہے، جو علم، خوش قسمتی اور ترقی کا سیارہ ہے۔ ہر چیز آپ کے حق میں بڑھ رہی ہے۔البتہ زحل اس وقت بارہویں زاویے میں ہے، اور مغربی نجوم کے مطابق یہ وقتی رکاوٹیں پیدا کر سکتا ہے۔ مگر یہ ایسی چیزیں نہیں جنہیں روکا نہ جا سکے۔ جیسے سردیوں کی آمد کا مطلب یہ نہیں کہ زندگی رک جائے۔ اگر اندھیرا ہے تو روشنی پیدا کر کے آگے بڑھنا ہوگا۔ اگر زحل کچھ تاخیر یا آزمائش لاتا ہے تو اس کا توڑ موجود ہے اب وقت آپ کے حق میں ہے، تو دیر کس بات کی؟ اپنی صلاحیتوں کو بروئے کار لائیں، اللہ تعالیٰ کا شکر ادا کریں، اور کامیابی کے لیے بھرپور کوشش کریں۔ خواہ وہ مالی آزادی ہو، شخصیت کی بہتری ہو، تعلیمی کامیابی ہو، مقابلے کی مہارت ہو یا تعلقات کی مضبوطی سب کچھ اس وقت آپ کے ساتھ ہے، حتیٰ کہ جذباتی اور روحانی پہلو بھی۔امید ہے کہ آپ تحقیق کو سمجھیں گے، اسے اپنی زندگی کا حصہ بنائیں گے اور کامیابیاں حاصل کریں گے۔
