پہلگام میں ناکام فالس فلیگ آپریشن کے بعد مودی حکومت نے شدید دباؤ میں آ کر بھارتی فوج کی ناردرن کمانڈ کے سربراہ لیفٹیننٹ جنرل ایم وی ایس کمار کو عہدے سے ہٹا دیا۔ حکومت نے اس ناکامی کا مکمل بوجھ جنرل کمار پر ڈال دیا، جنہیں ہٹا کر ان کی جگہ لیفٹیننٹ جنرل پراتک شرما کو تعینات کر دیا گیا ہے۔
ذرائع کے مطابق جنرل کمار نے ناکام آپریشن کے بعد پاکستان کے خلاف کسی نئی کارروائی سے صاف انکار کر دیا تھا، جس کے بعد مودی سرکار کا پورا منصوبہ دم توڑ گیا۔ مقبوضہ کشمیر میں لاکھوں سیکیورٹی اہلکاروں اور انٹیلیجنس نیٹ ورک کے باوجود حملے کو نہ روکا جا سکا، جس سے بھارتی حکومت کی پالیسیوں پر سوالات اٹھنے لگے ہیں۔
