حال ہی میں آنے والی رپورٹس کے مطابق، ترکی کے استنبول ایئرپورٹ کو دنیا کا مہنگا ترین ایئرپورٹ قرار دیا گیا ہے، جہاں خوراک اور مشروبات کی قیمتیں مسافروں کو ششدر کر دیتی ہیں۔
مثال کے طور پر، استنبول ایئرپورٹ پر ایک کیلا 5 پاؤنڈز (تقریباً 1800 پاکستانی روپے) کا ہے، جو کہ مسافروں کے لیے ایک حیرت کا باعث بن رہا ہے۔ اس کے علاوہ، ایئرپورٹ پر دیگر خوراکی اشیاء کی قیمتیں بھی غیر معمولی طور پر زیادہ ہیں، جیسا کہ:
بیئر کی قیمت تقریباً 5600 پاکستانی روپے، 90 گرام لازانیا تقریباً 7800 پاکستانی روپے، کروسان تقریباً 5600 پاکستانی روپے
میکڈونلڈز اور پوپائیز جیسے برانڈز فاسٹ فوڈ بھی مہنگے داموں پر فروخت کر رہے ہیں، مثال کے طور پر بگ میک برگر کی قیمت تقریباً 6700 پاکستانی روپے ہے۔
مسافر ان بلند قیمتوں پر حیران ہیں، خاص طور پر جب یہ قیمتیں دوسرے بین الاقوامی ایئرپورٹس جیسے فرینکفرٹ یا لا گارڈیا سے دو سے چار گنا زیادہ ہیں۔
