17 لاکھ نقدی، 5 تولے طلائی زیورات و دیگر سامان لوٹ کر فرار ہو گئے،سربراہ زخمی
بوریوالا(نامہ نگار)6 ڈاکوؤں کی اہلخانہ کو یرغمال بنا کر 1 گھنٹہ تک لوٹ مار 17 لاکھ نقدی 5 تولے طلائی زیورات و دیگر سامان لوٹ کر فرار ہو گئے دوران ڈکیتی گھر کے سربراہ کو شدید تشدد کر کے مضروب کر دیا تفصیل کے مطابق تھانہ فتح شاہ کی حدود میں واقع گاوں 42 کے بی میں محمد امین ولد فتح شیر گرواہ کے گھر میں رات گئے 6 نامعلوم مسلح ڈاکو داخل ہو گئے ڈاکو اہلخانہ کو یرغمال بنا کر گھر میں 1 گھنٹہ تک لوٹ مار کرتے رہے دوران ڈکیتی گھر کی خواتین کے کانوں سے طلائی بالیاں بھی اتروا لیں گھر کے سربراہ محمد امین پر تشدد کر کے اسے شدید مضروب کر دیا اسلحہ سے لیس ڈاکو 17 لاکھ نقدی اور 5 تولے طلائی زیورات سمیت دیگر گھریلو سامان لوٹ کر فرار ہو گئے اطلاع ملنے پر ڈی ایس پی بورے والا پولیس کی نفری کے ہمراہ موقع پر پہنچ گئے اور ڈاکووں کی تلاش شروع کر دی گئی۔