کراچی: سوئی سدرن گیس کمپنی نے یوم آزادی کے موقع پر صارفین کی سہولت کے لیے نیا شیڈول جاری کر دیا ہے۔
ترجمان ایس ایس جی سی کے مطابق بدھ اور جمعرات کی درمیانی شب روزانہ رات کے اوقات میں گیس کی لوڈ مینیجمنٹ مؤخر کی جائے گی، جس کے باعث صارفین کو 14 اور 15 اگست کی درمیانی شب رات 12 بجے تک گیس دستیاب رہے گی۔
واضح رہے کہ عام دنوں میں ایس ایس جی سی رات 10 بجے گیس کی سپلائی روک دیتی ہے اور اگلی صبح 6 بجے بحال کی جاتی ہے۔
