گوگل کا حیران کن فیصلہ: آپ کی لوکیشن ہسٹری ہمیشہ کے لیے ڈیلیٹ ہونے والی ہے

گوگل نے حال ہی میں اعلان کیا ہے کہ وہ گوگل میپس میں محفوظ کردہ تمام لوکیشن ہسٹری کو ڈیلیٹ کرنے کا ارادہ رکھتا ہے۔ یہ اقدام صارفین کی پرائیویسی کو بہتر بنانے اور ڈیٹا مینجمنٹ کو مؤثر بنانے کے لیے اٹھایا جا رہا ہے۔
2023 کے آخر میں، گوگل نے لوکیشن ہسٹری کو گوگل کلاؤڈ سے ہٹا کر صارفین کے ذاتی ڈیوائسز میں محفوظ کرنے کا عمل شروع کیا تھا۔ تاہم، اب کمپنی نے فیصلہ کیا ہے کہ یکم دسمبر 2024 سے تین ماہ سے زیادہ پرانا لوکیشن ڈیٹا خودکار طور پر ڈیلیٹ کر دیا جائے گا۔
اس تبدیلی کا مطلب یہ ہے کہ صارفین کی میپس ہسٹری میں صرف تازہ ترین تین ماہ کا ڈیٹا دستیاب ہوگا، اور ہر تین ماہ بعد پرانا ڈیٹا حذف ہوتا رہے گا۔ اگر آپ اپنی پرانی لوکیشن ہسٹری کو محفوظ رکھنا چاہتے ہیں تو آپ کو 8 دسمبر 2024 سے پہلے اسے ڈاؤن لوڈ کرنا ہوگا۔
ڈیٹا ڈاؤن لوڈ کرنے کے لیے، آپ takeout.google.com پر جا کر لوکیشن ہسٹری (ٹائم لائن) منتخب کریں اور باقی تمام آپشنز کو غیر منتخب کریں۔ پھر ‘Next Step’ پر کلک کریں اور ‘Create Export’ کا انتخاب کریں۔ جب ایکسپورٹ کا عمل مکمل ہوگا تو آپ کے پاس اپنی ٹائم لائن ڈیٹا کی محفوظ کاپی موجود ہوگی۔
گوگل کی اس پالیسی کا مقصد صارفین کی پرائیویسی کو بہتر بنانا اور غیر ضروری ڈیٹا کو حذف کرنا ہے۔ لہٰذا، اگر آپ اپنی لوکیشن ہسٹری کو محفوظ رکھنا چاہتے ہیں تو مقررہ وقت سے پہلے ضروری اقدامات کریں۔