چیٹ جی پی ٹی کی سروسز بند، اوپن اے آئی کو بڑے پیمانے پر تکنیکی بندش کا سامنا

اوپن اے آئی کے مشہور چیٹ بوٹ چیٹ جی پی ٹی کی سروسز معطل ہوگئیں، صارفین کو استعمال میں دشواری کا سامنا ہے۔ کمپنی کے مطابق پلیٹ فارم کو ایک بڑی بندش درپیش ہے جس پر تکنیکی ٹیم کام کر رہی ہے۔
چیٹ جی پی ٹی، جو انسانی انداز میں تحریری گفتگو کرنے کی صلاحیت رکھتا ہے، انٹرنیٹ پر دستیاب کتب، تحریروں اور مختلف میڈیا کے وسیع ذخیرے سے معلومات فراہم کرتا ہے۔
منگل کی صبح 3 بج کر 30 منٹ سے کچھ پہلے اوپن اے آئی نے اپنی ویب سائٹ پر اطلاع دی کہ بعض صارفین کو سروس میں مسائل کا سامنا ہے، اور ٹیم اس خرابی کی تحقیقات میں مصروف ہے۔