اسلام آباد: چیئرمین سینیٹ یوسف رضا گیلانی نے صدر مملکت کی تبدیلی اور ان کی صحت سے متعلق پھیلی ہوئی خبریں بے بنیاد اور افواہیں قرار دے دی ہیں۔
میڈیا نیوز کے مطابق آج اینٹی کرپشن عدالت نے سابق وزیراعظم اور چیئرمین سینیٹ یوسف رضا گیلانی کو ٹڈاپ کرپشن کیس کے 9 مقدمات میں بری کر دیا۔
ایف آئی اے نے ٹڈاپ میگا کرپشن کیس میں کل 26 مقدمات درج کیے تھے جن میں سے یوسف رضا گیلانی پہلے ہی 9 مقدمات میں بری ہو چکے ہیں۔
یوسف رضا گیلانی نے کہا کہ پیپلز پارٹی کی سینٹرل ایگزیکٹو کمیٹی نے حکومت کا حصہ نہ بننے کا فیصلہ کیا تھا اور اگر سی ای سی چاہے تو یہ فیصلہ واپس بھی کیا جا سکتا ہے۔
انہوں نے واضح کیا کہ صدر مملکت آصف علی زرداری کی تبدیلی یا صحت کے حوالے سے پھیلائی گئی باتیں محض افواہیں ہیں اور ان میں کوئی حقیقت نہیں۔