پاکستان سپر لیگ کے گیارہویں ایڈیشن میں شریک نئی فرنچائز حیدرآباد کنگزمین کے لیے بڑی خوشخبری سامنے آئی ہے، کیونکہ ٹیم کے اہم ترین غیر ملکی کھلاڑی گلین میکسویل پاکستان پہنچ گئے ہیں۔
تفصیلات کے مطابق آسٹریلوی اسٹار آل راؤنڈر گلین میکسویل آج صبح کراچی پہنچے جہاں انہوں نے ٹیم کو باقاعدہ جوائن کرلیا۔ ٹیم مینجمنٹ نے ان کی آمد کی تصدیق اپنے آفیشل سوشل میڈیا پلیٹ فارمز کے ذریعے بھی کی۔
حیدرآباد کنگزمین اب تک ایونٹ میں چار میچز کھیل چکی ہے، تاہم ٹیم کو ابھی تک اپنی پہلی کامیابی کا انتظار ہے۔ ایسے میں گلین میکسویل جیسے تجربہ کار اور جارح مزاج کھلاڑی کی شمولیت ٹیم کی کارکردگی پر مثبت اثر ڈال سکتی ہے۔
میکسویل اپنی جارحانہ بیٹنگ اور مفید باؤلنگ کے باعث میچ کا نقشہ بدلنے کی بھرپور صلاحیت رکھتے ہیں، اور ان کی آمد سے ٹیم کی بیٹنگ لائن مزید مضبوط ہونے کی توقع کی جا رہی ہے۔
