پنجاب کے پارکس اور باغات میں سگریٹ نوشی اور ویپنگ پر مکمل پابندی

لاہور: صوبہ پنجاب کی حکومت نے شہریوں کو صاف اور صحت مند ماحول فراہم کرنے کے لیے صوبے بھر کے تمام باغات اور پارکوں کو نو اسموکنگ زون قرار دے دیا ہے۔
سیکرٹری ہاؤسنگ نورالامین مینگل کی ہدایت پر جاری کیے گئے نوٹیفکیشن کے مطابق پارکس میں سگریٹ، ای سگریٹ، ویپس اور تمباکو کی تمام اقسام کی فروخت اور استعمال پر مکمل پابندی عائد کی گئی ہے۔
اس کے علاوہ ٹک شاپس، کیفے اور پارکس کے اندر موجود وینڈنگ اسٹالز پر بھی سگریٹ کی فروخت بند کر دی گئی ہے۔
پارکوں میں مختلف جگہوں پر نو اسموکنگ کے بورڈز لگائے جائیں گے اور متعلقہ عملہ اس پابندی کی نگرانی کرے گا۔ پی ایچ اے کی تمام متعلقہ ٹیموں کو دس دن کے اندر اس قانون پر مکمل عمل درآمد یقینی بنانے کی ہدایت دی گئی ہے۔
یہ پابندیاں “پروہبیشن آف اسموکنگ اینڈ پروٹیکشن آف نان سموکرز ہیلتھ آرڈیننس 2002” کے سیکشن 5 اور 7 کے تحت عوامی مقامات پر سگریٹ نوشی اور فروخت پر عائد کی گئی ہیں۔