پنجاب میں سیلابی صورتحال، وزیراعظم شہباز شریف نے اربن فلڈنگ سے نمٹنے کے لیے فوری اقدامات کی ہدایت

اسلام آباد: وزیراعظم شہباز شریف نے پنجاب میں بارشوں اور ممکنہ اربن فلڈنگ کے پیش نظر ہنگامی اقدامات کرنے کی ہدایت کی ہے۔ وزیراعظم کی زیر صدارت اجلاس میں وفاقی وزرا احسن اقبال، اویس لغاری، مصدق ملک، عطاءاللہ تارڑ، وفاقی وزیر برائے اکنامک افیئرز ڈویژن احد خان چیمہ اور چیئرمین این ڈی ایم اے شریک ہوئے۔
چیئرمین این ڈی ایم اے نے وزیراعظم کو حالیہ بارشوں کی صورتحال اور حفاظتی اقدامات پر بریفنگ دی۔ وزیراعظم نے خصوصی ہدایت کی کہ متاثرہ علاقوں میں پیشگی اطلاع رسانی کا سلسلہ مزید مؤثر بنایا جائے۔ این ڈی ایم اے نے اب تک پنجاب کے متاثرہ علاقوں کے لیے 5 ہزار خیمے فراہم کیے ہیں جبکہ دیگر ضروری سامان کی ترسیل بھی جاری ہے۔
وزیراعظم نے ہدایت دی کہ گجرات، سیالکوٹ اور لاہور میں ممکنہ اربن فلڈنگ سے نمٹنے کے لیے تمام انتظامی اقدامات فوری طور پر اٹھائے جائیں۔