پاکستان نے بنگلادیش کا 205 رنز کا ہدف با آسانی 33 ویں اوور میں 3 وکٹوں کے نقصان پر پورا کرلیا، فخر زمان نے 7 چھکوں کیساتھ شاندار 81 رنز بنائے
قومی ٹیم کی جانب سے شاہین شاہ آفریدی اور محمد وسیم نے 3،3 وکٹیں حاصل کیں جبکہ حارث رؤف نے 2، افتخار احمد اور اسامہ میر نے ایک ایک وکٹ لی
ملتان (ڈیجیٹل میڈیا) ون ڈے ورلڈکپ کے 31ویں میچ میں پاکستان نے بنگلادیش کو 7 وکٹوں سے شکست د یدی ،پہلے بیٹنگ کرتے ہوئے بنگلادیش کی پوری ٹیم 46 ویں اوور میں 204 رنز بناکر آؤٹ ہوگئی ۔محمود اللہ 56 رنز بناکر نمایاں رہے۔پاکستان نے بنگلادیش کا 205 رنز کا ہدف با آسانی 33 ویں اوور میں 3 وکٹوں کے نقصان پر پورا کرلیا، فخر زمان نے شاندار 81 رنز بنائے، ان کی اننگز میں 7 چھکے شامل تھے۔بنگلادیش کے خلاف جیت پاکستان ٹیم کی رواں ورلڈکپ میں تیسری کامیابی ہے ۔دوسری جانب پاکستان کو سیمی فائنل میں پہنچنے کیلئے اپنے بقیہ 2 میچز جیتنے کے ساتھ دوسری ٹیموں پر بھی انحصار کرنا ہے۔پاکستان کے خلاف بنگلادیش اوپنر تنزید حسن کو شاہین نے صفر پر چلتا کیا، نجم الحسین شنتو کو بھی شاہین نے 4 آؤٹ کیا۔ مشفق الرحیم حارث رؤف، جبکہ لٹن داس کو افتخار احمد نے آئوٹ کیا۔ محمود اللہ نے 56 رنز کی اننگز کھیلی اور شاہین کا شکار بنے۔ کپتان شکیب الحسن 43، توحید 7، مہیدی حسن 25، تاسکین احمد 6 اور مصتفیض الرحمان 3 رنز بناسکے۔شاہین شاہ آفریدی اور محمد وسیم نے 3،3 وکٹیں حاصل کیں جبکہ حارث رؤف نے 2، افتخار احمد اور اسامہ میر نے ایک ایک وکٹ لی۔بنگلادیش کے 205 رنز کے ہدف کے تعاقب میں دونوں اوپنرز عبداللہ شفیق اور فخر زمان کے درمیان شاندار 128 رنز کی شراکت داری بنی۔ عبداللہ 69 گیندوں پر 68 رنز بناکر آؤٹ ہوگئے، کپتان بابر اعظم 16 گیندوں پر 9 رنز بناسکے۔اس کے علاوہ فخر زمان 74 گیندوں پر شاندار 81 رنز بناکر آؤٹ ہوئے، ان کی اننگز میں 7 چھکے اور 3 چوکے شامل تھے۔پاکستان کی جانب سے محمد رضوان 26 اور افتخار احمد 17 رنز بناکر ناقابل شکست رہے، گرین شرٹس نے مطلوبہ ہدف 32 اوورز میں با آسانی حاصل کرلیا۔ شاندار بیٹنگ کرنے پر پاکستان کے فخر زمان پلیئر آف دی میچ قرار پائے۔