پاکستان بھارت سے تصادم کا خواہاں نہیں، نہ ہی بات چیت کا طلبگار ہے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ فیلڈ مارشل عاصم منیر کی امریکی صدر سے ملاقات خطے میں جنگ بندی کے لیے ایک اہم اور مثبت پیشرفت ثابت ہو سکتی ہے۔
ایکس (سابقہ ٹوئٹر) پر جاری بیان میں بلاول بھٹو نے بتایا کہ فیلڈ مارشل حافظ سید عاصم منیر امریکی صدر ڈونلڈ ٹرمپ سے ایک اہم ظہرانے میں ملاقات کریں گے۔
انہوں نے کہا کہ یہ ملاقات پاک-امریکا تعلقات میں ایک نئے باب کی نشاندہی کرتی ہے، خاص طور پر جنگ بندی کے سلسلے میں امریکا کی کوششوں کے پس منظر میں۔ بلاول نے دعویٰ کیا کہ حالیہ پانچ روزہ جنگ میں پاکستان کی واضح کامیابی کے باوجود بھارت نے پائیدار امن کے تمام اقدامات کی مخالفت کی ہے، جو افسوسناک امر ہے۔