کراچی: پاکستان اسٹاک ایکسچینج نے ایک اور سنگ میل عبور کرلیا اور کے ایس ای 100 انڈیکس آج بھی تاریخ ساز بلندی پر پہنچ گیا۔
کاروباری ہفتے کے آغاز میں مارکیٹ نے زبردست پیش رفت دکھائی، جہاں سرمایہ کاروں کی بھرپور دلچسپی اور مثبت رجحانات کے باعث انڈیکس 691 پوائنٹس کی تیزی کے ساتھ بڑھا اور ایک لاکھ 54 ہزار 969 پوائنٹس کی نئی بلند ترین سطح تک پہنچ گیا۔
بعد ازاں اسٹاک مارکیٹ میں مزید 1274 اور 1692 پوائنٹس کی تیزی دیکھی گئی، جس کے نتیجے میں 100 انڈیکس ایک لاکھ 55 ہزار 969 پوائنٹس کی نئی ریکارڈ سطح پر پہنچ گیا۔
گزشتہ کاروباری ہفتے کے اختتام پر بھی انڈیکس نے ایک لاکھ 54 ہزار پوائنٹس کی حد عبور کی تھی، اور اس ہفتے کے پہلے روز سرمایہ کاروں کا اعتماد اور بڑھ گیا۔
