پی سی بی نے ٹی ٹوئنٹی ورلڈکپ کے لیے ابتدائی اسکواڈ آئی سی سی کو بھجوا دیا
کراچی: پاکستان کرکٹ بورڈ (پی سی بی) نے ٹی ٹوئنٹی ورلڈکپ کے لیے ابتدائی اسکواڈ کے نام آئی سی سی کو بھجوا دیے ہیں۔ ذرائع کے مطابق ابتدائی اسکواڈ میں 15 کھلاڑیوں کے ساتھ ریزرو کھلاڑیوں کے نام بھی شامل کیے گئے ہیں۔
پی سی بی 31 جنوری تک اسکواڈ میں بغیر آئی سی سی کی اجازت کے تبدیلی کر سکتا ہے، اس کے بعد کسی بھی تبدیلی کے لیے آئی سی سی ٹیکنیکل کمیٹی کی منظوری ضروری ہوگی۔
ذرائع کا کہنا ہے کہ پی سی بی ورلڈکپ اور آسٹریلیا کے خلاف ٹی ٹوئنٹی سیریز کے حتمی اسکواڈ کا اعلان سری لنکا کے خلاف سیریز کے بعد کرے گا۔ اس سیریز میں پی سی بی ایک یا دو کھلاڑیوں کی کارکردگی کا جائزہ لینا چاہتا ہے۔
ابتدائی اسکواڈ میں سری لنکا کے دورے کے کھلاڑیوں کے علاوہ بابر اعظم، شاہین آفریدی اور حارث روف کے نام بھی شامل ہیں۔
واضح رہے کہ آئی سی سی ٹی ٹوئنٹی ورلڈکپ 7 فروری سے بھارت اور سری لنکا میں شروع ہو رہا ہے، اور پاکستان اپنی تمام میچز سری لنکا میں کھیلے گا۔
