ٹرمپ کا نیا اعلان: جنگ بندی نہیں، ایران سے مکمل تنازع کا خاتمہ چاہتے ہیں

امریکی صدر ڈونلڈ ٹرمپ نے کہا ہے کہ مشرق وسطیٰ میں ایران اور اسرائیل کے درمیان صرف جنگ بندی کافی نہیں، بلکہ وہ اس تنازعے کا مکمل اور مستقل خاتمہ چاہتے ہیں
ایئر فورس ون میں صحافیوں سے گفتگو کرتے ہوئے ٹرمپ نے خبردار کیا کہ اگر ایران نے امریکی مفادات یا اہلکاروں کو نشانہ بنایا تو امریکہ سخت ردعمل دے گا
انہوں نے کہا کہ اگر ایران نے ہمارے شہریوں یا فوجیوں کو نشانہ بنایا تو ہم بھرپور اور سخت کارروائی کریں گے، اور پھر کوئی نرمی نہیں برتی جائے گی
صدر ٹرمپ کا کہنا تھا کہ ایران کو یہ بخوبی اندازہ ہے کہ امریکی فورسز کو نشانہ بنانا ان کے لیے مہنگا ثابت ہوگا
ایک سوال کے جواب میں انہوں نے کہا کہ وہ صرف جنگ بندی نہیں بلکہ مکمل امن اور تنازعے کا خاتمہ چاہتے ہیں، اور اگر ایران مکمل طور پر ہتھیار ڈال دے تو یہ بھی قابل قبول ہوگا
ٹرمپ نے واضح کیا کہ اس وقت وہ ایران سے مذاکرات کے حق میں نہیں ہیں، تاہم ممکن ہے کہ نائب صدر جے ڈی وینس اور مشرق وسطیٰ کے خصوصی ایلچی اسٹیو وٹکوف کو بات چیت کے لیے ایرانی حکام کے پاس بھیجا جائے
انہوں نے یہ بات بھی زور دے کر کہی کہ ایران کو کسی بھی صورت جوہری ہتھیار حاصل کرنے کی اجازت نہیں دی جائے گی