ملتان (سٹاف رپورٹر) حکومت کے’’شفاف اور اعلیٰ ترین میرٹ‘‘کے نتیجے میں بیماری اور معذوری کے باوجود منتخب ہو کر تعینات ہونے والی خواتین یونیورسٹی ملتان کی وائس چانسلر ڈاکٹر فرخندہ منصور نے آخر کار گزشتہ روز استعفیٰ دے دیا اور استعفیٰ کے باعث خواتین یونیورسٹی ملتان سے ایک اور بوجھ بھی اتر گیا۔ یاد رہے کہ ڈاکٹر فرخندہ منصور کو چار ماہ پہلے تعینات کیا گیا تھا جس میں وہ صرف چارج لینے وہیل چیئر پر ملتان آ سکی تھیںجس کے بعد تمام تر کام اسلام آباد سے سر انجام دیئے جا رہے تھے۔
