ملتان(انویسٹی گیشن سیل) ایمرسن یونیورسٹی ملتان کے بدنام زمانہ سیاہ کار وائس چانسلر ڈاکٹر محمد رمضان گجر کی کرپشن ،اقربا پروری ،علم دشمنی ،حرام خوری اور قواعد و ضوابط کی پامالی کے بعد انتہائی شرمناک طور پر اپنے ہی باورچی کے ساتھ مسلسل دو سال تک بدفعلی کے جبری ارتکاب کے متعدد ثبوت سامنے آئے ہیں اور ڈاکٹر محمد رمضان گجر کے ڈیلی ویجز کی بنیاد پر وی سی ہاؤس کے باورچی نے دو سال تک ظلم اور جبری بد فعلی برداشت کرنے کے بعد اس وقت کھل کر سامنے آنے کا فیصلہ کر لیا جب ڈاکٹر رمضان نے اس کے گھر کے معصوم افراد پر غلیظ نظر رکھتے ہوئے ان میں سے کسی ایک کو اپنے بیڈ روم میں بلانے کیلئے اپنے باورچی پر دباؤ ڈالا۔ باورچی نے ازخود خفیہ کیمرے کے ذریعے ڈاکٹر رمضان گجر کے یونیورسٹی میں واقع سرکاری بنگلے کے بیڈ روم کے ایک کونے میں ریکارڈنگ کا انتظام کر لیا اور جب ڈاکٹر رمضان گجر رمضان کےمبارک مہینے میں افطاری کے دو گھنٹے بعدحیوانیت پر حسب معمول اتر آیا تو مفعول نے از خود اپنی آبرو کی قربانی دیتے ہوئے اپنی ویڈیو ریکارڈ کر لی اور خاموشی سے ملازمت کرتا رہا مگر جب ڈاکٹر رمضان گجر کا گھر کے معصوم ممبران کو بیڈ روم تک لانے کے حوالے سے مطالبہ بڑھتا گیا تو اس نے روزنامہ قوم سے رابطہ کر کے تمام تر مواد منظر عام پر لانے کا فیصلہ کر لیا اور اپنے بچوں واہلیہ کو محفوظ مقام پر منتقل کر دیا۔باورچی کی طرف سے از خود خریدے گئے اسٹامپ پر اپنے ہاتھ سے لکھے گئے بیان حلفی کے مطابق’’میں حلفاً بیان کرتا ہوں کہ میں گزشتہ دو سال سے ایمرسن یونیورسٹی میں وائس چانسلر ڈاکٹر محمد رمضان گجر کے پاس باورچی کے طور پر کام کرتا ہوں۔ ڈاکٹر محمد رمضان گجر گزشتہ دو سال سے مجھے خوفزدہ کرکے اور مجھے نوکری سے نکالنے کی دھمکی دے کر میرے ساتھ غیر فطری فعل کرتا ہے وہ میرے ذریعے بازار سے حب المسک نامی طاقت کی گولیاں اور سانڈے اور بچھو کا تیل منگوا کر اپنے —— کی مالش کرواتا رہا اور پھر میرے ساتھ بد فعلی کرتا ہے اور یہ عمل میرے ساتھ ہفتے میں دو بار کرتا ہے۔ اس نے مجھے اتنا خوفزدہ کیا ہوا ہے کہ میں خوف کے مارے اس کی ہر بات ماننے کو تیار تھا کیونکہ میری چار بیٹیاں ہیں اور بیٹا کوئی نہیں ہے جو ملتان میں گورنمنٹ سکول میں پڑھتی ہیں، میں ڈاکٹر محمد رمضان سے بلیک میل ہوتا رہا جبکہ اس نے میری فیملی پر گندی نظری رکھنا شروع کر دی تو میں نے اس صورت حال کا اپنی بیگم کو بتایا تو اس وجہ سے میں نے خفیہ کیمرہ رکھ کر اس کی بدفعلی کی ویڈیو بنائی اور اس ویڈیو کے بارے میں اس کے گہرے دوست شبیر گجر جو بی زیڈ یو کے لودھراں کیمپس کے انچارج ہیں، کو بتایا تو ڈاکٹر محمد رمضان نے مجھے اور میرے بچوں کو جان سے مارنے کی دھمکی دی اور مجھے غائب کرنے کی دھمکیاں دیتا رہا۔ میں حلفیہ بیان کرتا ہوں مجھے اور میری اہلیہ اور میری چار بیٹیوں کو ڈاکٹر محمد رمضان سے شدید خطرات ہیں۔ اس کی سیاہ کاریوں کے بارے میں بہت سے ثبوت موجود ہیں جو میں نے اپنے قریبی دوستوں میں محفوظ کر دیئے ہیں۔ مجھے اور میرے بچوں کو نقصان ہوا تو اس کا ذمہ دار ڈاکٹر محمد رمضان ہو گا‘‘۔ایمرسن یونیورسٹی کے وی سی ہاؤس کا باورچی اور اس کی اہلیہ روزنامہ قوم کے دفتر میں مسلسل ڈھائی گھنٹے اپنے بیان ریکارڈ کرواتے رہے اور تفصیلات دیتے رہے اور یہ ریکارڈنگ جو کہ گواہان کی موجودگی میں کی گئی ہے، میں انہوں نے ہوشربا الزامات اور انکشافات کئے ہیں۔ انہوں نے یہاں تک بتایاکہ رات کے وقت میں کون کون سی خواتین فائلیں لے کر ڈاکٹر رمضان گجر کے پاس اکیلے میں آیا کرتی تھی تاہم روزنامہ ’’قوم‘‘ مذکورہ تمام خواتین کی عزت اور بھرم کا لحاظ رکھتے ہوئے کسی کا بھی نام یا ان کا عہدہ شائع کرنے کے حق میں نہیں۔ البتہ اگر کسی سطح پر کسی بھی قسم کی تحقیقات ہوتی ہیں تو اس کے لیے روزنامہ’’ قوم ‘‘تمام تر مواد فراہم کرنے کو تیار ہے اور ہر قسم کی تحقیقات کا مکمل طور پر حصہ بننے کا فیصلہ کر چکا ہے تاکہ اس اسلامی معاشرے کو ایسے ناسوروں سے پاک کیا جا سکے۔ اس حساس ترین معاملے کے تمام پہلوؤں کو مدنظر رکھتے ہوئے تمام تر ریکارڈنگ اور بیان گواہان کی موجودگی میں لئے گئے ہیں کیونکہ یہاں معاملہ ایک معزز سرکاری تعلیمی ادارے اور اس سے وابستہ ہزاروں خاندانوں کا ہے۔
صاحب جی قبر بھی ایک، عزت بھی ایک اولاد بھی ایک جیسی خواہ امیر کی ہو یا غریب کی
ملتان(عوامی رپورٹر)روزنامہ قوم کے چیف ایڈیٹر کے کمرے میں 6 افراد کی موجودگی میں ایمرسن یونیورسٹی ملتان کے وائس چانسلر ڈاکٹر محمد رمضان گجر کی سرکاری رہائش گاہ کے ملازم کی اہلیہ(ش) نے کانپتے ہوئے ہاتھ جوڑتے ہوئے جب یہ کہا ’’صاحب جی قبر بھی ایک، عزت بھی ایک اولاد بھی ایک جیسی خواہ کسی امیر کی ہو یا غریب کی‘‘ تو کمرے میں موجود تمام افراد کی نظریں جھک گئیں اور کسی کے ذہن میں کوئی سوال ہی باقی نہ رہا۔
رمضان گجر 6 بیٹیوں، 2 بیٹوں کے باپ
ملتان(عوامی رپورٹر)خوشامد اور کرپشن میں بڑے بڑے نامی گرامی افراد کو شامل کرنے اور پھر کھلے عام ان کے نام لینے کے حوالے سے بدنام 69 سالہ ڈاکٹر رمضان گجر خود بھی 6 بیٹیوں کے باپ ہیں اور ان کے دو بیٹے بھی ہیں جبکہ تین بچے شادی شدہ ہیں۔ لائبریرین کے طور پر اپنا کیریئر شروع کرنے والے ڈاکٹر رمضان کے سہولت کاروں میں ملک کے بعض انتہائی طاقتور لوگ بھی شامل ہیں۔
