اسلام آباد: وزیر خزانہ کی سربراہی میں گیارہواں قومی مالیاتی کمیشن (این ایف سی) اجلاس جاری ہے، جس میں ملک کے چاروں صوبوں کی نمائندگی بھی موجود ہے۔
وفاقی حکومت کی جانب سے صوبوں میں قومی وسائل کی تقسیم کے نئے فارمولا پر بات چیت کے لیے این ایف سی کا اجلاس شروع ہوگیا، جس کی صدارت وفاقی وزیر خزانہ محمد اورنگزیب کر رہے ہیں۔
اجلاس میں صوبوں اور دیگر ارکان قومی مالیاتی کمیشن شریک ہیں اور تین نکاتی ایجنڈے پر غور کیا جا رہا ہے۔ اس دوران وفاق اور صوبے اپنی مالیاتی صورتحال پر تفصیلی پریزنٹیشن پیش کریں گے۔
مزید برآں، نئے ایف ایف سی ایوارڈ کی تیاری کے لیے قومی مالیاتی کمیشن کے آئندہ اجلاسوں کے شیڈول پر بھی بات ہوگی۔
