اسلام آباد: ملک بھر کے طلبہ کے لیے خوشخبری، وزیراعظم لیپ ٹاپ اسکیم کے تحت لیپ ٹاپ کی تقسیم 30 اکتوبر سے شروع کی جائے گی۔ اس منصوبے کے تحت ایک لاکھ سے زائد ہونہار طلبہ کو مفت لیپ ٹاپ فراہم کیے جائیں گے۔
مرکزی تقریب جناح کنونشن سینٹر اسلام آباد میں منعقد ہوگی، جس کے بعد صوبائی دارالحکومتوں میں بھی تقاریب کا اہتمام کیا جائے گا۔
اعلیٰ تعلیمی کمیشن (ایچ ای سی) پہلے ہی میرٹ پر منتخب ہونے والے طلبہ کی فہرست جاری کر چکا ہے، تاکہ شفاف طریقے سے لیپ ٹاپ کی فراہمی یقینی بنائی جا سکے۔
یہ اسکیم ملک بھر میں نوجوانوں کو ڈیجیٹل سہولیات کی فراہمی اور تعلیمی ترقی کے فروغ کے لیے اہم قدم قرار دی جا رہی ہے۔
