اسلام آباد: وزیراعظم شہباز شریف نے سعودی شہزادہ الولید بن خالد بن طلال کے انتقال پر افسوس کا اظہار کرتے ہوئے گہرے دکھ اور ہمدردی کا پیغام دیا ہے۔
سماجی رابطے کی ویب سائٹ ایکس (سابقہ ٹوئٹر) پر جاری کردہ بیان میں وزیراعظم نے کہا کہ شہزادہ الولید کی طویل اور حوصلہ مند زندگی نے دنیا بھر میں لوگوں کے دل جیتے، اور ان کے انتقال سے ایک باہمت اور صابر شخصیت ہم سے جدا ہو گئی ہے۔
وزیراعظم شہباز شریف نے خادم الحرمین الشریفین شاہ سلمان بن عبدالعزیز، ولی عہد شہزادہ محمد بن سلمان، سعودی شاہی خاندان اور پوری قوم سے دلی تعزیت کا اظہار کیا۔
انہوں نے دعا کی کہ اللہ رب العزت شہزادہ الولید بن خالد کو جنت الفردوس میں اعلیٰ مقام عطا فرمائے اور لواحقین کو صبر جمیل دے۔
