مداحوں کا اپنی پسندیدہ شخصیات اور کھلاڑیوں کے ساتھ تصویریں لینا عام بات ہے، خاص طور پر پاکستان میں جہاں کرکٹ کے چاہنے والے اپنے قومی اسٹارز کے ساتھ سیلفی بنانا اعزاز سمجھتے ہیں۔
حال ہی میں سہ ملکی سیریز کے ایک میچ کے بعد قومی فاسٹ بولر نسیم شاہ میدان کے کنارے موجود شائقین سے ملنے اور گفتگو کرنے آئے تو مداحوں نے فوری طور پر اُن کی تصاویر بنانی شروع کر دیں۔
اسی دوران ایک نوجوان مداح لڑکی نے نسیم شاہ کے ساتھ سیلفی لینے کی درخواست کی، جس پر نسیم شاہ نے اپنے مخصوص معصوم سے ردعمل میں کہا:
“یار، گھر سے ڈانٹ پڑے گی… قسم سے سچ کہہ رہا ہوں، میرے ابو بہت ڈانٹتے ہیں!”
ان کی یہ سادگی اور معصومانہ بات سن کر وہاں موجود تمام افراد ہنس پڑے اور ماحول خوشگوار ہو گیا۔