اینٹوں ، پتھروں اور چاقو ، بلیڈز کا آزادنہ استعمال،3 افرادشدیدزخمی،پولیس غائب
پولیس کچہری میں سکیورٹی برقرار رکھنے میں ناکام ہوگئی:وکلابرادری کاتشویش کااظہار
ملتان (کرائم رپورٹر)ضلع کچہری ملتان میں مقدمہ قتل کی پیشی پر آئے ہوئے فریقین میں لڑائی مار کٹائی کے دوران تین افراد شدید زخمی ہو گئے ۔لڑائی کے دوران
اینٹوں ، پتھروں اور چاقو ، بلیڈز کا آزادنہ استعمال کیا گیامتحارب گروپوں میں جھگڑے سے بچنے کیلئے دیگر سائیلان نے بھاگ کر جان بچائی ۔دونوں گروپ کے مسلح افراد ایک دوسرے کے حامیوں کا پیچھا کرتے رہےلڑائی جھگڑے کے دوران پولیس موقع پر نہ پہنچی ہنگامی کال کے باوجود پولیس متحارب گروپوں کو پکڑنے نہ پہنچی۔جھگڑا اس وقت شروع ہوا کہ جب مدعی اور ملزم پارٹی کے حامی ایک دوسرے کو آمنے سامنے دیکھ کر آپے سے باہر ہوگئے اور دیکھتے ہی دیکھتے جملہ بازی سے نوبت مسلح جھڑپ تک جا پہنچی ۔دریں اثناء وکلاء برادری نے تشویش کا اظہار کرتے ہوئے کہا کہ پولیس کچہری میں سکیورٹی برقرار رکھنے میں ناکام ہے بعد ازاں متعلقہ پولیس چہلیک نے دونوں فریقین کیخلاف مقدمہ درج کرکے مزید کارروائی کا آغاز کردیا۔