اسلام آباد: ڈسٹرکٹ کورٹ نے پی ٹی آئی کے رہنما مرزا شہزاد اکبر کو متنازع ٹویٹس کے کیس میں اشتہاری قرار دے دیا ہے۔
جوڈیشل مجسٹریٹ محمد عباس شاہ نے اس سلسلے میں احکامات جاری کیے اور وارنٹ گرفتاری بھی جاری کر دیا۔ عدالت نے بتایا کہ مرزا شہزاد اکبر کو متعدد بار طلب کرنے کے باوجود پیش نہیں ہوئے۔
مرزا شہزاد اکبر کے خلاف مقدمے کا چالان بھی عدالت میں جمع کر دیا گیا ہے۔ یہ مقدمہ ٹویٹر پر متنازع بیانات دینے کی بنیاد پر درج کیا گیا تھا۔
این سی سی آئی اے نے جولائی 2025 میں مرزا شہزاد اکبر کے خلاف مقدمہ درج کیا تھا۔
