سندھ رینجرز اور اینٹی نارکوٹکس فورس نے مشترکہ آپریشن کے دوران محمدی کالونی میں کارروائی کرتے ہوئے معروف منشیات فروش ماما یعقوب کے اڈے پر چھاپہ مارا، جہاں سے ملزم عثمان غنی کو گرفتار کر لیا گیا۔
ترجمان رینجرز کے مطابق ملزم کے قبضے سے 60 کلوگرام چرس برآمد کر لی گئی۔ تحقیقات سے معلوم ہوا کہ عثمان غنی 2018ء سے منشیات فروشی میں سرگرم تھا اور کراچی میں منشیات کی بڑی سپلائی کا اہم کردار ادا کر رہا تھا۔
مزید انکشاف ہوا کہ ملزم اپنے ساتھیوں کے ساتھ مل کر خیبر پختونخوا اور کوئٹہ سے منشیات مال بردار گاڑیوں اور فروٹ ٹرکوں کے ذریعے کراچی منتقل کرتا تھا اور پھر مختلف ڈیلرز کو سپلائی فراہم کرتا تھا۔ حکام نے ملزم کے دیگر ساتھیوں کی گرفتاری کے لیے چھاپے تیز کر دیے ہیں
