لودھراں(تحصیل رپورٹر)ڈسٹرکٹ لودھراں میں منگل سے تاجروںنے دو روزہ مکمل شٹر ڈاؤن ہڑتال اور پریس کلب کے سامنے احتجاجی ریلی کا اعلان کردیا،لودھراں صدر مرکزی انجمن تاجران ڈسڑکٹ لودھراں ملک اصغر آرائیں کی کال پر کابینہ کا ہنگامی اجلاس دو روزہ مکمل شٹر ڈاؤن ہڑتال کا اعلان کردیا۔ لودھراں پیرا فورس ، ٹریفک پولیس اور ضلعی انتظامیہ کی طرف سے بھاری جرمانوں ناقص پالیسیوں کیوجہ کاروبار مکمل تباہ ہو چکے ہیں ۔تاجران لودھراں منگل اور بدھ کو مکمل شٹر ڈاؤن ہڑتال کیساتھ مرکزی مین بازار سے پریس کلب تک ریلی کے ذریعے اپنا احتجاج ریکارڈ کروائیں گے۔تاجروںنےکہاکہ اگر حکومت وقت نے ہمارے مطالبات نہیں مانے تو یہ ہڑتال غیر معینہ مدت تک جا سکتی ہے ۔صدر تاجران ملک اصغر آرائیںنےکہاکہ لودھراں ٹریفک پولیس گلی محلوں سے پکڑ پکڑ چالان ٹارگٹ پورا کرنے پر لگی ہوئی ہےجسکی وجہ سے شہری و دیہی لوگ بھاری جرمانوں کیوجہ سے شہر کی مرکزی مارکیٹوں میں آنا چھوڑ گئے ہیں۔ تاجران حکومت نوٹس لے ورنہ احتجاج کا دائرہ کار وسیع کردینگے۔
