اسلام آباد: فیلڈ مارشل سید عاصم منیر کی بطور چیف آف ڈیفنس فورسز (سی ڈی ایف) تقرری کا نوٹیفکیشن جاری کر دیا گیا ہے۔ وزارت دفاع نے یہ نوٹیفکیشن صدر مملکت کی منظوری کے بعد جاری کیا۔
گزشتہ روز صدر مملکت آصف علی زرداری نے وزیراعظم کی جانب سے پیش کی گئی سمری کی منظوری دی، جس کے تحت فیلڈ مارشل عاصم منیر، جو موجودہ طور پر چیف آف آرمی اسٹاف کے عہدے پر فائز ہیں، انہیں پانچ سال کے لیے چیف آف ڈیفنس فورسز کے عہدے پر تعینات کیا گیا۔
ساتھ ہی صدر مملکت نے چیف آف ائیر اسٹاف کی مدت ملازمت میں دو سال کی توسیع کی بھی منظوری دی، جو ان کی موجودہ مدت کے اختتام کے بعد 19 مارچ 2026 سے نافذ العمل ہوگی۔
قبل ازیں وزیراعظم شہباز شریف نے فیلڈ مارشل عاصم منیر کی بطور آرمی چیف اور چیف آف ڈیفنس فورسز تعینات کی سمری پر دستخط کر کے صدر مملکت کو منظوری کے لیے ارسال کی تھی۔
