غوثیہ ایگرو آئل ملز نزد اڈہ بلی والا میں آتشزدگی کا خوفناک واقعہ 9افراد جھلس کر شدید زخمی، غوثیہ ایگرو آئل ملز میں مزدور کام کر رہے تھے 30 سے 35 ہزار لیٹر ہیگزین کیمیکل احتیاطی تدابیر کے بغیر رکھا گیا تھا جو لیکیج کی وجہ سے فرش پر پھیل گیا الیکٹرک سپارکنگ کی وجہ سے اچانک آگ بھڑک اٹھی موقع پر موجود 8 افراد شدید جھلس گئے جبکہ ایک شخص نے پلانٹ سے چھلانگ لگا نے کی وجہ سے دونوں پیر ٹوٹ گئے ۔ فیکٹری میں حفاظتی انتظامات اور سیفٹی عملہ نہ ہونے کی وجہ ورکرز نے اپنی مدد آپ کے تحت آگ بچھائی کیمیکل زمین پر پھیلا ہونے کی وجہ سے آگ نے تمام افراد کو اپنی لپیٹ میں لے لیا ریسکیو کا عملہ موقع پر پہنچا اور نشتر ہسپتال میں منتقل کیا ۔اہل علاقہ کا کہنا کہ غوثیہ ایگرو آئل ملز نزد اڈہ بلی والا آبادی کے قریب ہونے کی وجہ سے مزید جانی نقصان ہو سکتا ہے ۔ مکینو ں کا کہنا ہے کہ اس قسم کی خطر ناک فیکٹریوں کو آبادی سے باہر منتقل کیا جائے تاکہ مزید کسی بڑے حادثے سے بچا جا سکے ۔ ذرائع کے مطابق ہیگزین انتہائی خطر ناک قسم کا کیمیکل ہے آگر یہ آگ پکڑ لے تو 20 کلو میٹر ریڈیس میں تباہی پھیلا سکتا ہے۔ بہاولپور پر پل پیر والا سے لیکر اڈہ لاڑ سے پہلے 9سے 10 خطرناک فیکٹریاں موجود ہیں جن میں اس قسم کا خطر ناک کیمیکل موجود ہے۔زخمی افراد میں خالد ، ساجد، فہد ،اکمل، سجاد ،رمضان، تصور،چشمان،حسنین اور احمد شامل ہیں.
