اسلام آباد: ڈسٹرکٹ اینڈ سیشن کورٹ اسلام آباد نے سابق وزیراعلیٰ خیبر پختونخوا علی امین گنڈا پور کے ناقابل ضمانت وارنٹ گرفتاری جاری کر دیے ہیں۔
ایڈیشنل ڈسٹرکٹ اینڈ سیشن جج نصر من اللہ بلوچ نے آڈیو لیک کیس کی سماعت کے دوران حکم دیا کہ علی امین گنڈا پور کو گرفتار کر کے عدالت میں پیش کیا جائے۔
عدالت میں نامزد دیگر شریک ملزم پیش ہوئے، تاہم علی امین گنڈا پور کی غیر موجودگی کے باعث فرد جرم کی کارروائی مؤخر کر دی گئی۔ عدالت نے کیس کی مزید سماعت 20 جنوری تک ملتوی کر دی۔
علی امین گنڈا پور کے خلاف تھانہ گولڑہ میں مقدمہ درج ہے۔
