اسلام آباد:اسلام آباد کی ڈسٹرکٹ اینڈ سیشن عدالت میں خیبرپختونخوا کے وزیراعلیٰ علی امین گنڈا پور کے خلاف شراب اور اسلحہ برآمدگی کیس کی اہم سماعت آج ہونے جا رہی ہے۔
سماعت جوڈیشل مجسٹریٹ مبشر حسن چشتی کی عدالت میں ہوگی۔ عدالت نے علی امین گنڈا پور کو ذاتی حیثیت میں پیش ہو کر دفعہ 342 کے تحت اپنا بیان ریکارڈ کرانے کا آخری موقع دیا ہے۔
یاد رہے کہ عدالت کی جانب سے انہیں 17 مئی 2024 کو دفعہ 342 کے تحت سوالنامہ فراہم کیا گیا تھا، جس میں مقدمے سے متعلق تمام شواہد اور الزامات پر ملزم کا موقف جاننے کے لیے سوالات شامل تھے۔